ذو النون..يكتب عن دماء الشهداء
دماء الشهداء
تفكيك أجهزة المؤتمر الوطني والمحاسبة واسترداد الأموال
الحريات العامة كاملة غير منقوصة
العمل الجاد علي وقف الحرب ومعالجة آثارها
حكومة تكنوقراط غير حزبية
..
المطالب دي ما بتتجزأ... وإلا الناس تفضل صاباها كده بس
...
قبل تنحي ابنعوف بدقايق ... لو متذكرين في زول قال ليكم
..
ح يحصل تغيير في الساعات الجاية ... الإمارات دفعت لكل الأطراف ... ح يقبلوا علي مراحل ... علي مراحل دي بشرحها لاحقا ...
..
في زول تاني كتب بوست ... انو في الحلقة الأخيرة .. الخائن ح يعرس زوجة البطل .. وطلع الزول القال الحقيقة .. خائن ومندس وشقاق صف
..
تابعوا من شئتموا.. أو طاوعوا من خفتموا ... فالزاحفين الي الفجيعة أنتمو
فقط افهموا
الا وثيقة أو وفاق .. ولا حقيقة أو نفاق... تخفي عن الأطفال عورة من دفنتم من رجال
..
وأخيرا للتذكير من ملامح الماضي القريب
الحقوا بري محاصرة .. يا ناس ... الأحياء القريبه تتحرك
شمبات تلتقي الشعبية والمزاد في موكب مهيب ...
الأمن يحاول تشويه صورة الحضراب
ما زال الستين في الشارع ... الشجرة الحمداب تقفل وتحتفل
سقط شهيد .. بمبان يطيح بيد ثائر
كنداكة تصد اتنين بمبان في عشرة ثواني .. ظهور جردل وومان
كنداكات الأحفاد يحررن معتقلة من أيدي الرباطة
..
الاربعيييين .. العباسية .. ابوروف الما بتعرف الخوف .. ودنوباوي
عطبرة الحديد والنار . الدمازين.. كسلا الأولي في كسر قانون الطوارئ
..
بورتسودان وجهالة مصير الميناء .. العبيدية .. مدني الصمود .. الأبيض
..
ويا العنصري المغرور .. كل البلد دارفور
..
مواكب الخميس .. ومظاهرات الليل
..
المتاريس .. النبل
..
الخلايا الخلايا يا ناس .. انت براك .. خلية .. والخلية موكب
..
حصلوا المعتصمين .. بالموية.. بيع دهب خالتك .. رسل بالااااجل.. هسسسسسسه موية وأكل
..
نداءات الجيش .. ارتكاز الرجال.. استشهاد الأبطال.. والجرحى..
..
واللسه معتقلين ومجهولين مصير
..
ده كلو عشان تهافت علي سلطة؟؟؟
..
الحقوق لا تتجزأ .. والثورة مستمرة
تعليقات
إرسال تعليق